影片
更多
2013-11-04
156 浏览
之前收到广告公司邀请佢o地o系3-8-2013(Sat)搅o既试食活动,但我真系比较抗拒呢啲早有准备o既大型试食会,所以冇参加到.到上月中,广告公司再次邀请试食,但今次系畀$250.00o既coupon,o系指定日期内享用,唔使同一大班食家一齐试食,而同样系多就冇得找,少就要补.但虽然以呢个形式搅,广告公司仍要求我o系book位时讲明试食,而到间舖入座时,要即刻交出coupon,咁咪即系又系预先被佢o地知道,咁其实有咩分别?=.=”不过算啦,之前都o系湾仔o既金牌小龙试过,咁再试多次啦,而今次会o系味道分减0.5分.而上网睇过,佢啲菜色绝对唔平,$250.00可以试到几多样?咁就只同男友o黎试.我o地book o左前日(2-11-2013 Sat)晚o黎食,我o地o黎到时系晚饭开始o既时间,唔多人,只有4枱客.我俾o左张coupon后就同男友研究食咩o野,点o左:1. $32.00o既苹果酒由于我o地有点甜蜜脆脆烧棉花糖夹饼,而男友见墙上介绍,食呢个配呢只酒系好夹,所以叫埋.呢只酒充满苹果味,极易入口,男友话比Jolly Sandy好饮好多,梗系啦,成$32.00o架,不过睇吓来源地,
但虽然以呢个形式搅,广告公司仍要求我o系book位时讲明试食,而到间舖入座时,要即刻交出coupon,咁咪即系又系预先被佢o地知道,咁其实有咩分别?=.=”不过算啦,之前都o系湾仔o既金牌小龙试过,咁再试多次啦,而今次会o系味道分减0.5分.而上网睇过,佢啲菜色绝对唔平,$250.00可以试到几多样?咁就只同男友o黎试.
我o地book o左前日(2-11-2013 Sat)晚o黎食,我o地o黎到时系晚饭开始o既时间,唔多人,只有4枱客.我俾o左张coupon后就同男友研究食咩o野,点o左:
1. $32.00o既苹果酒
由于我o地有点甜蜜脆脆烧棉花糖夹饼,而男友见墙上介绍,食呢个配呢只酒系好夹,所以叫埋.呢只酒充满苹果味,极易入口,男友话比Jolly Sandy好饮好多,梗系啦,成$32.00o架,不过睇吓来源地,系星加坡, 使唔使咁贵?不过最后因为放暖o左,所以佢始终都有啲味.
2. $13.00o既甜蜜脆脆烧棉花糖夹饼
竟然系第二样到o黎,我一心谂住当甜品食o架嘛,可能因为支酒已经o黎o左啦.呢个其中一块梳打饼烧得有啲㶶,我o地食喇,棉花糖里面有朱古力o既,烧过o既梳打饼更加脆,混合o左本应好甜o既夹心棉花糖,令成个味道o岩o岩好,唔会好甜.有脑.
味道: 4.4分
3. $16.00o既烧韭菜
份量都几多,同男友分一半后,发现我o个半有一撮系㶶o左,
男友o个半就完全冇.呢个啲汁o既味道整得几好,可惜被o个几㶶o既扫o左啲兴.
味道: 3分
4. $15.00o既沙茶酱烧鸡髀菇
鸡髀菇大小不一,烧得唔干几好,咸度适中亦冇问题.
味道: 3分
5. $19.00两只o既秘酱烧鸡中翼
Size唔大,原来反转睇系更加㶶,但食落,几好味㖞,我食到唔记得咩o既咩同有蜜糖味,呢个系唔差,不过下次唔好烧咁㶶,影响卖相. 味道: 4.5分
6. $34.00o既皇牌烧牛舌
未食都已经嗅到孜然粉味,佢o既厚度有1cm左右,呢个口感唔错亦好惹味. 味道: 4.5分
7. $29.00四只o既蒜蓉烧纽西兰青口
呢个正常冇乜问题.味道: 2.5分
8. $76.00四只o既必食芝士蒜蓉烧生蚝
其实呢个系我剔错o左,男友系想试朱古力烧生蚝o既.但既然系我错,就照要啦.卖相唔错,趁热食先,食到o既系蒜蓉味居多,芝士唔多够,蒜蓉太咸,做唔到平衡,有啲失败.
味道: 1.5分
9. $36.00o既秘制蒜蓉捞红薯粉
份量果然少,红薯粉好啲过腍,而味道又系太咸.味道: 1分
10. 后加o既$28.00两串o既烧惹味鸭舌
都烧到黑黑的,鸭舌又细细件,食落,同样有落孜然粉,呢个系惹味但亦一样系偏咸,送酒一流.味道: 4.3分
11. $52.00三只o既安安首创朱古力烧生蚝
呢个只有一个食家o系旧年食过,男友就好勇咁试.呢个等o左好耐至到,睇睇,朱古力浆稀稀地,食吓啲汁先,朱古力唔系甜o既,亦夹o左蚝味o系里面,食蚝喇,o系黑朱古力o既衬托下,就觉得蚝味更鲜,男友大赞店主聪明,应申请专利.如果朱古力再苦啲会更好.我就觉得已经可以喇. 估唔到我o地当呢个系甜品o黎结束呢餐饭. 味道: 4.5分
食完后觉得呢间最o大既优点系冇味精,我o地全程只有o个支苹果酒两份饮,但食埋咁多咸o野都唔口渴,抵赞.
不过我原本想后加o既果酱牛丸同$24.00o既冻食日本柠味甜薯都冇.
价钱:
同呢个食评
http://www.openrice.com/restaurant/commentdetail.htm?commentid=2320227&tc=sr2&con=rvw对比,一年以o黎,佢o地加o左价,秘酱烧鸡中翼由$28.00三只变成$19.00两只,由$8.00一只加到$9.50一只,烧韭菜由$14.00到$16.00.
环境:
枱与枱之间o既空间有啲不足,不过抽气都唔算差,或者因为我o地被安排坐o系电视o个边,远离厨房o挂.
服务:
落完单,好快就同我o地讲红薯粉要等耐啲,啊冇问题吖.
好密密收碟(张张枱都一样),不过搅笑o既系,佢o地会不断将食物,饮品重覆畀客人(我o地隔离张枱),我o地就重覆o左甜蜜脆脆烧棉花糖夹饼,如果遇著唔老实o既客人,可能会照食扮唔知.(虽然我觉得价钱唔平,但都唔系咁样送俾客人嘛. )
既然佢o地o既服务唔会因为系咪试食而唔同,所以我唔扣分,而实际系有4.3分
张贴
