金記冰室 (元朗廣場) (已結業)

"【金记冰室】呢日又走咗入嚟元朗，主要系同啲退休同事食饭，毕竟以前一齐做嘢𠮶时都有互相帮忙，收咗工都有偈倾𠮶只。到而家佢已经退咗休，咁我唔系𠮶种为咗工作先走嚟扮 friend 嘅人，有时间咯就梗系聚一聚好啦。同事住元朗，所以就佢去元朗食，连地点都系佢拣，事前我都唔知去边度食。佢话佢都唔系好知食乜好，有趣，不过谂深一层，就好似如果有朋友嚟沙田揾我，我都唔知同佢哋食乜好咁解，呢个情况又真系绝对可以理解㖞。咁佢都做到决定嘅，就系嚟呢间「金记冰室」，初时我以为系见过其他 foodie 写过𠮶间，呢间就真系街坊茶记嚟。原来系喺大埔文娱中心隔离，之前都几过吓呢度，不过一直都冇在意呢间餐厅。我哋三个人去到都唔使等位，直接有得坐，我都唔中意啲要等位嘅餐厅，fit 晒。一入到去，已退休同事就叫咗个嘅「鸡蛋西多士」配热柠茶。见佢有花生酱，但都好似一般咁，不过我有得影相就唔使特登再叫一份，正呀。系呀，我而家写茶记冇西多随时会被读者留言质问，咁我有时未必想食嘛。呢度出名系「走鸡」，叫「走鸡米线」啰，配「雪菜」，去埋骨。我觉得佢似系一个湿版嘅盐焗鸡，而且系好食嘅，系几掂。另一位同事叫咗叉烧拼烧肉嘅「双拼烧味饭」