黑布小巷 (木蘭苑) (已結業)

之前经过呢间人气台式小店几次，终于第一次嚟买。因为今晚好想食台式嘢，但系之前试过砲台山区另外一间台式餐厅喺搬完之后大不如前，所以嚟咗呢间去买。虽然佢喺小巷，店舖不大，但都会容易揾到既。今晚买咗佢嘅古早味手工卤肉饭（$38）同加咗冬瓜茶（+$8）少甜。佢嘅卤肉饭，算系香港可以食到好食嘅，卤肉同卤汁比例十分足够，又唔会太浓味，啲饭男仔食都够饱。佢嘅冬瓜茶配卤肉饭可以解油腻，十分match。见到佢嘅招牌台式芝士土司好吸引，不过今次冇买留返下次去再试喇。