影片
更多
2022-05-07
309 浏览
呢间一定系我食过最难食嘅西餐厅，大半年前同男朋友周年纪念谂住食餐好，上openrice望到呢间个menu几吸引，又有咁多好评谂住试下，点知就系恶梦嘅开始。我地去到餐厅因为冇订位，职员同我地讲1个钟后要交枱，我地都ok。首先讲餐厅环境，现场绝对冇openrice相睇落咁chill，我地坐喺走廊边二人枱，个位窄到好似夹硬加落去咁，张枱又细，结论就系坐得唔舒服。上菜速度系极慢，坐低之后我地5分钟就叫野食，落完单居然等咗差唔多五个字先有野食。但当时餐厅其实唔算多人，未到繁忙时间。啲侍应又好似烚烚下咁，要杯水都叫咗两三次先俾到。重点要讲食物1. Nachos (Doritos??) (打劫$45) 一坐低就会俾兜nachos你，但就水都冇杯。一食落口就feel到似系马莎卖𠮶啲一包包。当你喺一间价钱都唔平嘅餐厅食到supermarket买到嘅零食，系感觉好奇怪。埋单先知dllm呢兜野竟然收我$45，而喺埋单之前系冇任何职员同我地讲过要收钱，餐牌亦都冇写。2. 安格斯牛肉他他配香脆锅巴($158) 我之前未食过牛肉他他，唔知应该要系咩味，但绝对唔系呢个味。因为呢pat牛肉，系完全冇味㗎，连少少牛
我地去到餐厅因为冇订位，职员同我地讲1个钟后要交枱，我地都ok。
首先讲餐厅环境，现场绝对冇openrice相睇落咁chill，我地坐喺走廊边二人枱，个位窄到好似夹硬加落去咁，张枱又细，结论就系坐得唔舒服。上菜速度系极慢，坐低之后我地5分钟就叫野食，落完单居然等咗差唔多五个字先有野食。但当时餐厅其实唔算多人，未到繁忙时间。啲侍应又好似烚烚下咁，要杯水都叫咗两三次先俾到。
重点要讲食物
1. Nachos (Doritos??) (打劫$45) 一坐低就会俾兜nachos你，但就水都冇杯。一食落口就feel到似系马莎卖𠮶啲一包包。当你喺一间价钱都唔平嘅餐厅食到supermarket买到嘅零食，系感觉好奇怪。埋单先知dllm呢兜野竟然收我$45，而喺埋单之前系冇任何职员同我地讲过要收钱，餐牌亦都冇写。
2. 安格斯牛肉他他配香脆锅巴($158) 我之前未食过牛肉他他，唔知应该要系咩味，但绝对唔系呢个味。因为呢pat牛肉，系完全冇味㗎，连少少牛骚味都冇。相反下面旧米通就甜到hihi，又硬过我条命，我都唔知个卖点喺pat牛度定喺块米通度。
3. 龙虾汁大虾海鲜阔条面($148) 简单描述: 虾肉👉🏻霉过梅妈妈 汁👉🏻死咸唔鲜 面👉🏻一夹上嚟就断 结论👉🏻难食
4. 西班牙慢煮和牛面肉 ($198) 旧牛讲唔出有啲咩大问题，但就系好奇怪，无论味道定口感。啲汁嘅味系寡到食完一旧就唔想再食。呢碟野嘅薯条系我食过最难食嘅薯条，衰过茶餐厅，似唔知几耐之前炸定等有order就攞出嚟俾你班傻猪食。
呢餐饭真系破坏咗我嘅周年纪念，谂起都嬲
张贴