小麻吉滷肉飯 (已結業)

如果平时喺旺角附近想食台湾嘢，小麻吉卤肉饭系个几好嘅选择，餐厅墙身有特式壁画，环境干净企理👍🏻同埋餐牌比较多选择🤣大满足定食套餐仲可以自己mix and match！另外套餐都会配有小食。黄金鸡扒(加辣加$2)配肉燥麻辣担担汤面🍜鸡扒好厚身，咬落有肉汁，炸到脆卜卜，建议如果食得辣嘅朋友可以加钱加辣，因为个辣粉都几正🌶️肉燥麻辣担担汤面，汤底好浓郁，肉碎份量都几多，个汤越食越辣🤣个面好挂汤。小食本身配有小黄瓜，台湾肠，自选𠮶个拣咗芋泥地瓜球。小食质素都唔错👍🏻卤肉脆香鸡翼肉燥饭🍚鸡翼好大只🤣外皮都系脆卜卜，鸡翼配卤肉饭呢个配搭，应该唔会出错！呢个小食拣咗麻辣鸭血，个麻辣汁好惹味，加少少麻辣汁捞埋个饭食都几夹😋另外更餐加$9加咗个珍珠红豆仙草冻🫘，如果饭后想食个甜品都几建议可以试吓，入边都几多配料，珍珠亦都煮得好软腍。餐饮嗌咗一杯乌梅汁同珍珠奶茶，乌梅汁酸酸甜甜都几解渴。珍珠奶茶都几不错，唔会太甜，珍珠亦都煮得几好🧋