影片
更多
2019-05-16
803 浏览
难得放假又咁岩有人约食放题就梗系去啦 虽然9点有d夜日式放题食得多 呢间主打日韩放题 连装修都充满住韩国气氛限时两个中就梗系一坐底就点野食啦 9点先食真系会好肚饿手机点野食 唔洗一张二张纸飞黎飞去 又环保 抵赞！日式方面 刺身 寿司 天妇罗 一定唔少得虽然种类唔算特别多 但系胜在够新鲜食刺身唔新鲜点得架仲有好多热盘网烧牛仔骨 吉列广岛蚝 烧菠萝 连章鱼小丸子都有听讲个咖哩牛舌必点 咁都试下啦又真系几好食 够入味 好厚切但系就好软熟仲有梅酒 揾竹筒装都几得意是日重点韩式活八爪鱼刺身我唔会话我系为左佢先黎食架🙈每次去韩国都好想食 但系都好大份怕食唔晒今日终于试到喇！真系仲识旭架😱放入口 feel到佢嘅生命力 个下我觉得自己好衰 咁样食左佢落肚😯仲有其他韩式野 都系一般放题少d食到嘅酱油虾、水冷面、参鸡汤 等等等等食到咁上下 要准备开启第二个胃放满左好多唔同款仲要系香港好少见嘅韩国雪条 仲有港女大爱放题雪糕mövenpick😍真系好想每样都试下🤔最后食左一条士多啤梨雪条 因为真系太饱 第二个胃唔多想旭 可惜仲有饮品柜 满满嘅韩国饮品 荔枝玉露系列 啤酒当然唔少得仲特登试左个新野 因
日式放题食得多 呢间主打日韩放题 连装修都充满住韩国气氛
限时两个中就梗系一坐底就点野食啦 9点先食真系会好肚饿
手机点野食 唔洗一张二张纸飞黎飞去 又环保 抵赞！
日式方面 刺身 寿司 天妇罗 一定唔少得
虽然种类唔算特别多 但系胜在够新鲜
食刺身唔新鲜点得架

仲有好多热盘
网烧牛仔骨 吉列广岛蚝 烧菠萝 连章鱼小丸子都有
听讲个咖哩牛舌必点 咁都试下啦
又真系几好食 够入味 好厚切但系就好软熟

仲有梅酒 揾竹筒装都几得意

是日重点
韩式活八爪鱼刺身
我唔会话我系为左佢先黎食架🙈
每次去韩国都好想食 但系都好大份怕食唔晒
今日终于试到喇！
真系仲识旭架😱
放入口 feel到佢嘅生命力 个下我觉得自己好衰 咁样食左佢落肚😯
仲有其他韩式野 都系一般放题少d食到嘅酱油虾、水冷面、参鸡汤 等等等等
食到咁上下 要准备开启第二个胃
放满左好多唔同款仲要系香港好少见嘅韩国雪条 仲有港女大爱放题雪糕mövenpick😍

真系好想每样都试下🤔
最后食左一条士多啤梨雪条 因为真系太饱 第二个胃唔多想旭 可惜
仲有饮品柜 满满嘅韩国饮品 荔枝玉露系列 啤酒当然唔少得
仲特登试左个新野 因为我未见过
烧酒味啤酒 正 岩晒酒鬼🤣
临走影番张生活八爪鱼，真系好新鲜！
张贴
