影片
更多
2023-01-29
275 浏览
最近周年纪念，就去拣一间海景西餐Chill下，上网揾到呢间Harbourside Grill价钱合理，而且可以睇到满满的海景，就订咗室外座位。环境超靓，八点左右仲可以睇到成个幻彩咏香江，睇晒兔年嘅新年灯饰，打卡一流！嚟到拣咗一份Tasting Menu，另外加多份生蚝同埋意大利饭。FINE DE CLAIRE OYSTERS pickled cucumber, granita gin法国纷迪加蚝 配腌青瓜及毡酒沙冰呢款蚝唔系大只，但系几清新，特别加上腌青瓜及毡酒沙冰，柚子等等，令到整个菜式更加refresh，亦同时保留蚝嘅鲜味。FOIE GRASchicken terrine, poached pear, gingerbread法式鸭肝鸡肉水煮梨冻肉酱 配姜饼法式鸭肝鸡肉冻肉酱咸香十足，有充足嘅大粒盐，加上鸭肝肉本身会比较油腻，加咗啲硬净少少嘅鸡肉就中和左口感，配搭香脆姜饼咸香又开胃；旁边亦都有梨，减少腻感。SEARED SEA BASScrushed potatoes, lobster bisque鲈鱼配薯蓉及法式龙虾汤我最钟意佢个法式龙虾汤，非常Creamy又香浓，另外表面亦都有刚
环境超靓，八点左右仲可以睇到成个幻彩咏香江，睇晒兔年嘅新年灯饰，打卡一流！
嚟到拣咗一份Tasting Menu，另外加多份生蚝同埋意大利饭。
FINE DE CLAIRE OYSTERS pickled cucumber, granita gin
法国纷迪加蚝 配腌青瓜及毡酒沙冰
呢款蚝唔系大只，但系几清新，特别加上腌青瓜及毡酒沙冰，柚子等等，令到整个菜式更加refresh，亦同时保留蚝嘅鲜味。
FOIE GRAS
chicken terrine, poached pear, gingerbread
法式鸭肝鸡肉水煮梨冻肉酱 配姜饼
法式鸭肝鸡肉冻肉酱咸香十足，有充足嘅大粒盐，加上鸭肝肉本身会比较油腻，加咗啲硬净少少嘅鸡肉就中和左口感，配搭香脆姜饼咸香又开胃；旁边亦都有梨，减少腻感。
SEARED SEA BASS
crushed potatoes, lobster bisque
鲈鱼配薯蓉及法式龙虾汤
我最钟意佢个法式龙虾汤，非常Creamy又香浓，另外表面亦都有刚刚好熟的龙虾肉。除此以外，鲈鱼香滑加上底部的薯蓉，一次过满足汤品及鱼的要求。
ANGUS BEEF FILLET
buttered spinach, braised beef cheek, truffle sauce
安格斯牛柳 配奶油菠菜、炖牛颊肉及松露酱
表面有好软熟嘅炖牛颊肉，非常入味，另外中间有安格斯牛柳，牛香十足；底部就有奶油菠菜，质感除咗滑味道亦香浓。旁边有个正方形嘅原来系整得表面香脆嘅薯仔，令成件事更有层次。
APPLE TARTE TATIN
crème fraîche, salted caramel sauce
反烤苹果挞 配酸奶油及焦糖酱
苹果批非常香甜，仲有焦糖酱嘅香气令味道更提升。而且批边及批底非常香脆，仲有个酸奶又可以中和味道，唔建议落太多。已经好好食了！
单点系列如下：
法国纷迪加蚝(6只)配腌青瓜配毡酒冰沙 $268
蚝钟意嘅可以单点叫多几只，鲜味又开胃。
野生菌菇松露意大利饭 配熟成巴马臣芝士及火箭菜 $238
呢款意大利饭表面仲有松露片，能提升香气，满满的火箭菜及巴马臣芝士，咸香十足，亦有多款野生菇菌，充满水份弹性，饭粒粒粒饱满，大满足！
附送面包可以添加
其他环境及门面
张贴
