鮨釧 (已結業)

梳子鱼第一次食呢只鱼，肉质都几Soft，令人误以为似系⋯⋯银雪鱼。但后者会甜啲，因为西京烧。而呢个就会系轻轻的咸味多啲。豆腐蟹肉面豉食完整个人会觉得健康左，好中意食豆腐（唔好谂错隔篱）。而蟹肉都系丰富咗个口感，面豉都唔会太多变左喧宾夺主，算系恰到好处啦。土佐醋萤光鱿鱼我真系试过遮住佢，萤光唔系萤光嘅。有土佐醋助一助就有返啲味道，第一次食全只嘅迷你鱿鱼，口感都唔太Un～但都系需要少少牙力嘅。沢蟹哈哈，上次坐系Bar枱食寿司见到过，今次终于知道原来系叫做「沢蟹」。不过可能自己唔太好蟹，感觉无咁特别～ 亦都可能系因为与拖罗相比比下去。紫海胆生拆松叶蟹脚海胆嘅鲜甜⋯我觉得系超越左马粪海胆嘅味道，加埋蟹脚嘅肉有翻小小口感，感觉无咁滑汕汕啰。大拖罗虽然贵，但系偶尔嘅奢侈来奖励自己。难怪日本人钟意吞拿鱼多过三文鱼，可能就系因为拖罗 XD 好似食紧深海而嚟嘅和牛一样﹗有油脂有口感。