影片
更多
2022-11-18
1521 浏览
喺中环饮嘢成日都会经过怡红院，吖唔系，系「怡红院火锅料理」先至啱。之前同朋友吹开水，佢食过话OK，我先放心去试吓，因为之前对佢嘅刻板印象系打卡店🙈。门口对面石墙投射住大大只字，非常吸睛👀！详细分享餐厅环境相片之前，先介绍返食物。餐厅系火锅店🍲，食材选择繁多，令人花多眼乱。定价属中高档次，但毕竟喺呢个地段都无计。汤底方面，我哋要咗1️⃣甜粟薯仔牛腩蕃茄锅拼2️⃣城寨特浓沙嗲锅，双并唔使加钱，只需$198，唔算贵㖞；但就要留意返唔系每一款都有得拼。🍅蕃茄汤超正，茄味香浓，再加埋粟米、薯仔同红萝卜等一齐煲，酸甜适中。我强烈建议未渌嘢食之前，先饮一碗。沙嗲汤都OK，够咸够惹味。手切骟牯黄牛金花𦟌($358/大)，餐厅提供几款牛肉可选🥩，而佢主打嘅系手切骟牯黄牛，然后再分唔同部位。我哋要嘅金花𦟌肉质几爽，肉味强，虽然望落脂肪唔多，但食落都带油香。牛胸尖($88)，🐮佢又名牛白肉，系牛肋骨附近嘅筋膜肌肉，感觉有啲似肥牛嘅边位，但渌完之后脆脆地，口感几得意。牛胸尖一放入口，油香四溢，但并非油腻，好特别。墨汁墨鱼滑($88)，🦑墨鱼滑真材实料，再混合埋墨汁，所以颜色乌卒卒。墨鱼滑份量唔少，可分成八粒，每粒都超
喺中环饮嘢成日都会经过怡红院，吖唔系，系「怡红院火锅料理」先至啱。之前同朋友吹开水，佢食过话OK，我先放心去试吓，因为之前对佢嘅刻板印象系打卡店🙈。
门口对面石墙投射住大大只字，非常吸睛👀！
详细分享餐厅环境相片之前，先介绍返食物。餐厅系火锅店🍲，食材选择繁多，令人花多眼乱。定价属中高档次，但毕竟喺呢个地段都无计。
甜粟薯仔牛腩蕃茄锅
$198
18 浏览
0 赞好
0 留言
汤底方面，我哋要咗1️⃣甜粟薯仔牛腩蕃茄锅拼2️⃣城寨特浓沙嗲锅，双并唔使加钱，只需$198，唔算贵㖞；但就要留意返唔系每一款都有得拼。🍅蕃茄汤超正，茄味香浓，再加埋粟米、薯仔同红萝卜等一齐煲，酸甜适中。我强烈建议未渌嘢食之前，先饮一碗。沙嗲汤都OK，够咸够惹味。
手切骟牯黄牛金花𦟌
$358
17 浏览
0 赞好
0 留言
牛胸尖
$88
17 浏览
0 赞好
0 留言
墨汁墨鱼滑
$88
12 浏览
0 赞好
0 留言
怡红丸($48/半份)，以餐厅名命名嘅丸系指手打麻辣牛丸，🌶麻辣味显著，唔讲得笑！牛丸系手打，无潮州面店啲牛筋丸咁弹牙，但牛味就浓好多。
冰菜($68)，冰菜系季节限定💚，估唔到呢度有得食。冰菜好嫩绿，口感爽脆，但不议渌太耐。
宽薯粉($38)，🍜打边炉又边少得淀粉质，哈哈。薯粉粗身，挂汤效果一流，渌至晶凝通透嘅颜色后，面质就会变成完全软糯状态。
Sour Plum Juice
$118
16 浏览
0 赞好
0 留言
饮品方面，餐厅除咗系火锅店，但同时应该都系酒吧？我嗌咗有酒精成份嘅酸梅汤Cocktail Sour Plum Juice($118)🍹，用茶壶装住，玩味十足。虽然有酒精，但算易入口，同平日饮开嘅酸梅汤唔争太远，佢系由梅味Vodka、柠檬汁、苹果汁同洛神花糖浆沟成🌸。
酱油费每位$18，有九款酱油配糕可拣🌿，另外豉油瓶个造型好盏鬼。
环境方面，呢度真系每一个角落同每一样物件都好适合打卡📸。佢楼高两层，我坐楼下，所以唔知上层系点，而下层就设有睇古装剧见到𠮶啲客栈包箱，好鬼正。就算其他枱櫈，甚至天花地板，都满有古色古香风味🏮。
最后仲有卖身契😝，即系餐牌。
总括嚟讲，怡红院嘅体验令客人宾至如归👍，食物质素不俗，而服务亦好贴心，店员不时会主动关心客人有乜需要。如果放工想开开心心「滚」返晚，不妨可以嚟呢度啊。
张贴
