陳儀興飯店 (嘉悅)

营业中

休息中

今日同老公讲话约左陈仪兴，佢问我乜水，我就同佢讲老朋友，佢话边位黎，我话将军澳（陈仪兴）你都唔识，好出名架（打冷），佢即刻话咁你快d去揾佢，因为佢知我又买好野佢食。依家去将军澳真系方便，地铁又快又近，所以好快就去到。依家食打冷已经唔驶大汗叠细汗，可以系一个舒适环境底下食。虽然佢地个环境好好，装修几靓，但都唔够我系屋企食得咁舒服。所以决定买外卖。因为食左好多次，唔驶睇餐牌都知食乜。撚手蒜香排骨：每次黎必食，因为佢地虽然叫排骨，但都好多肉，同埋炸个火喉控制得好好，个炸浆又薄，食落口又唔油，又好入味。鱼香茄子黄鳝煲：好少系打冷铺有依d菜式食，咸咸既鱼香配落茄子/黄鳝出奇地夹，茄子过油适中，唔会食落好油淋淋感觉，黄鳝好新鲜同好肥，仲大条过茄子。沙嗲芥兰牛肉：唔好以为芥兰牛肉系普通野，就系愈普通愈考技术，芥兰食落去冇渣，牛肉又唔可以老，沙嗲更加系灵魂，3个配埋简直绝配，几个简单食材配合就唔简单。总结：每次食打冷都会谂起（陈仪兴），佢系我食打冷首选。下次唔外卖堂食仲正。