Classy Le Carré

营业中

休息中

同男朋友去咗呢间Classy Le Carré食午餐。环境舒服，餐厅入面优雅嘅布置更加显示咗呢间餐厅嘅气质，真系好靓。食物都系好好食，𠮶日就同男朋友食咗佢哋嘅法式乡村铁镬早餐同扁意粉，男朋友都食到赞不绝口。🇫🇷法式乡村铁镬早餐🍳厨师将所有早餐都摆咗入铁镬度，好独特嘅风味。有滑溜嘅炒蛋同埋港口蘑菇，比利时窝夫嘅口感外脆内软，仲有少少咸味，香脆嘅法包同炸薯饼，烤日本南瓜咬一啖，咸甜可口，好特别嘅口感，好味嘅肠仔同埋番茄，最后用Yogurt做点缀，散发住微微嘅酸味同埋淡淡嘅奶香，好丰富嘅一份早餐。🦐樱花虾🧈蒜香牛油🦪蚬肉🍝扁意粉充满浓郁嘅蒜香牛油香味，扁意粉吸收咗蒜香牛油嘅味道，咸香味十足，口感都烟韧好食，仲有樱花虾有浓郁嘅鲜甜味，口感好幼细，蚬肉又肥美鲜甜又滑溜，好好味。