語命Cafe (已結業)

放工谂住见下朋友，就约左去旺角既楼上cafe食个晚餐。朋友介绍依间语命cafe系地铁站出去，过条马路就到，非常方便！入到去都差唔多full, 好彩朋友有book位！晚餐主菜选择唔算太多，但原来可以拣茶餐嘅食物，所以我哋叫咗一个意粉＋1个小食。主菜系香蒜虎虾炒意粉，佢新鲜热辣而且有好香嘅蒜蓉味，我朋友好中意佢啲虾已经去左壳唔使自己剥 ！而小食我哋拣咗最丰富嘅小食拼盘，可惜𠮶日炸虾卖晒，但个Staff好好人，话其他款式嘅小食都整多啲俾我哋！好欣赏佢个鸡翼，炸完入面仲keep到好多汁！配合埋炸蚝同薯条，我哋食唔停口！饮品方面，佢有好多款选择！我哋谂左好耐，最后加少少钱，叫左特浓朱古力同蜜桃红茶！蜜桃红茶好香蜜桃味，唔会太甜！呢度嘅Staff态度好，食物同环境唔错，但我觉得出菜可以快一点。