名苑酒家

营业中

休息中

第一次去杏花村名苑食晚饭，夜晚8点去到，都唔需要等位，就已经有大枱。我哋7个人，其中3个都比较细食，所以叫咗个6人套餐，澳洲龙虾乳猪餐。好快就上菜，头盘乱醋海蜇，之后就上埋海底椰炖鸡汤、翡翠炒龙趸球、养生粒粒竹泡青菜、古法蒸龙趸头腩、上汤焗澳洲龙虾南瓜面、黄金脆皮鸡、古法红枣花包，然后另加咗3只润烧乳鸽，同埋啤酒。值得一赞，当晚翡翠炒龙趸球，龙趸肉够大块，炒得几香兼入口弹牙，龙虾南瓜面嘅龙虾肉都好多，南瓜面都好好味，唔油腻，而最受欢迎嘅红枣花包，真系好香嘅红枣味，入口又软又Q又弹牙，最后仲额外叫多半打。总结：食物质素都唔错，职员态度一般，唔算差，亦唔算好，只有一个后生女最好笑容，其他都似机械人，最唔好嘅就系有个女职员上汤时，攞汤碗俾食客时，见到佢带咗手套，有一手只手指套系掂到啲汤，感觉好唔干净，其他都无咩特别。