碗碗香 (已結業)

今日放工之后同朋友去铜锣湾揾野食，行过加路连山道，见到一间食贵阳牛肉面既小店，就入左去试。入面既环境系咁，你可以睇到少少厨房。打开餐牌，见到有唔少选择，唔知点拣好，就问侍应有咩推介，佢就介绍左呢度既招牌菜-红绕牛肉面。不过，我既朋友系完全唔食得辣既，所以佢就叫左碗唔辣既，而我就叫左碗BB辣既。BB辣望落去都唔算好辣，如果食得辣既可以自己再加辣椒油。下面就系清汤牛肉面。碗汤真系好香，唔怪得间店叫碗碗香，而牛肉又煮得好腍，入口即溶。我地仲叫左两杯苦丁茶，侍应话食辣野最好配苦丁茶，我系第一次饮呢款饮品，故名思义，佢就系有少少苦既，饮完佢又真系好解辣㖞，所以建议大家黎呢到食野都要点黎试下啊！埋单总共食左$150，铜锣湾黎讲都算ok。