碗碗香 (已結業)

同朋友见到佢新开，大家又钟意食辣，就试下。舖位近希慎广场，算方便。店内环境干净，偏细间。服务态度几好，会推荐同介绍特色食品（贵阳粉）俾客。我地两个人嗌左一碗红油牛肉粉、一碗红烧牛肉粉同埋苦丁茶冻热各一杯。店舖几贴心，有得拣走/多葱、蒜、花生、油等等等等唔同配料。上菜速度快，几分钟左右就上哂（当时冇乜客）。碗红油牛肉粉，嗌左小辣，但系都几辣，如果唔食得辣，建议嗌返BB辣。两碗粉汤底都浓郁有牛味，粉系贵阳粉，质感黏韧，似系乌冬同米线既合体，值得一试。因为我钟意食啲烟韧野所以都几钟意呢个粉，但系应该系铺头特有嘅，系喺贵阳黎，所以唔知边度可以买到牛肉选用上等嫩滑牛展。一碗粉，份量足，所以我地冇嗌小食。杯嘢饮系苦丁茶，饮落少少苦，冇咩特别，不过店员就话我地知系特别解辣，我地又冇特别觉得解辣。但如果有兴趣嘅朋友都可以试吓饮，因为比较少地方有～