德美壽司

营业中

休息中

系大埔呢个美食之都，今既选择咗食德美。星期日好多人排队，所以一早book定枱去到即刻有得食，不过出面咪表位太多车，等咗一段时间先泊得低。一入去环境好宽敞，枱同枱之间好多空间，高级既格调。相对返餐厅既格局，食物价钱好似唔成正比，因为相对地比较平。一开始叫咗个极上寿司拼盘，有寿烧咗德美既蛋卷几特别。其他寿司十分精致，当中既拖罗真系好食到无得弹！油脂分布好平均，入口即溶仲好甘香。其他寿司仲好新鲜，仲有只大虾头添。钟意食鳗鱼既我地都叫咗蒲烧鳗鱼，啖啖肉仲烧得好香口，边边有啲㶶好脆口。食得日本餐点少得天妇罗，炸虾天妇罗都一样爽口弹牙，香脆唔会干。仲有牛油果软壳蟹卷，都一样好好食，因为牛油果够多唔会得一粒仔，而软壳蟹都够juicy。如果想拣间食物质素掂而坐得舒服，睇落高级但价钱相宜既日本餐厅，德美绝对系你既选择。