影片
更多
2023-08-14
25 浏览
自己本身好钟意食乳酪雪糕，记得仲读紧书𠮶阵学校附近有任食嘅乳酪雪糕店，成日放咗学就会去打趸，系青春呀！🥺但系而家好多乳酪雪糕店都执晒笠，想食都好难揾到，今日放工行过佐敦见到有间红色砖墙嘅小店，仔细睇竟然系卖乳酪雪糕，咁梗系要试吓啦！▫️酥皮筒 Meringue Cone ($58) 4/5呢款会跟一个酥皮筒，仲可以拣2款配料 + 1款sauce，叫咗焦糖杏仁太妃糖＋抹茶麻糬＋梅酒sauce。本身谂住拣抹茶牛乳酱，但店员话原来佢哋有隐藏sauce！有3款酒类嘅酱🍾分别系桃酒、梅酒同蜜柑酒，酒鬼朋友即刻转咗拣梅酒🤣我开头担心会唔夹，试完点知又唔会，酒味唔系好浓，但都食到阵阵梅子味，配埋乳酪雪糕又几特别。酥皮筒酥脆得嚟又有牛油香，连埋yogurt一齐食唔会有油腻嘅感觉。太妃糖嘅焦糖味浓又唔会太甜，口感丰富，食到香脆嘅焦糖同杏仁，同时又食到太妃糖嘅柔软，呢个我钟意！而麻糬就大粒软糯，不过就食唔到抹茶味，烟韧控叫原味就可以😬▫️满足杯 Regular Cup ($56) 4/5呢个价钱连3个配料同1款酱汁，拣咗brownie + 原味麻糬 + 焦糖脆脆 + baileys朱古力酱。Brownie有两
▫️酥皮筒 Meringue Cone ($58) 4/5
呢款会跟一个酥皮筒，仲可以拣2款配料 + 1款sauce，叫咗焦糖杏仁太妃糖＋抹茶麻糬＋梅酒sauce。本身谂住拣抹茶牛乳酱，但店员话原来佢哋有隐藏sauce！有3款酒类嘅酱🍾分别系桃酒、梅酒同蜜柑酒，酒鬼朋友即刻转咗拣梅酒🤣我开头担心会唔夹，试完点知又唔会，酒味唔系好浓，但都食到阵阵梅子味，配埋乳酪雪糕又几特别。酥皮筒酥脆得嚟又有牛油香，连埋yogurt一齐食唔会有油腻嘅感觉。太妃糖嘅焦糖味浓又唔会太甜，口感丰富，食到香脆嘅焦糖同杏仁，同时又食到太妃糖嘅柔软，呢个我钟意！而麻糬就大粒软糯，不过就食唔到抹茶味，烟韧控叫原味就可以😬
▫️满足杯 Regular Cup ($56) 4/5
呢个价钱连3个配料同1款酱汁，拣咗brownie + 原味麻糬 + 焦糖脆脆 + baileys朱古力酱。Brownie有两细旧，朱古力味浓🍫原味麻糬大大粒有口感，够晒烟韧。焦糖脆脆细细旧食得好方便，脆卜卜唔黐牙。Baileys朱古力酱真系食到微微酒味，之前试过唔少baileys制品，好多都食/饮唔到酒味，呢个真系有惊喜！💖
乳酪雪糕质地好滑，酸酸甜甜好开胃。店舖唔大，但系装修设计都有花心思，室内外都有唔少打卡位。不过夏日炎炎雪糕真系溶得好快，系我等店员整第二杯想两杯一齐影相𠮶阵第一杯已经溶咗好多，整到成手都系，大家打卡都要快手啲如果唔系就会好似我咁捩弃🥹
Overall rating (5粒⭐️为满分)
味道：⭐️⭐️⭐️⭐️
服务：⭐️⭐️⭐️⭐️
环境：⭐️⭐️⭐️⭐️
性价比：⭐️⭐️⭐️⭐️
张贴
