勁餃笑

营业中

休息中

自家制水饺店越开越多，食过一啲系充满味精，狂饮水要到第二朝先觉得唔口渴。亦都食过一啲个皮仲厚过里面啲馅！要几恐怖有几恐怖！今日试呢间饺子店，装修门面好似日式拉面咁，仲要个店名好有创意！加上有猫猫做主题，位于红磡黄埔新村一带。装修好干净企理。主要做街坊生意，亦都见到有好多外卖平台落单。今日试咗四款饺子，每款八只，双拼面餐。我哋都选择咗胡麻捞面同埋鸡汤底，佢嘅鸡汤都几浓厚，而且一啲都唔咸，我觉得清清哋好有feel！完全冇加味精！松露饺猪肉饺子黑松露味道浓郁，配搭猪肉，一齐做饺子，咬落去爽口弹牙！韭菜猪肉饺子传统口味，里面加有沙葛，食落口感似马蹄，口感非常丰富！好好食！白菜猪肉饺子水饺鲜香多汁，充满白菜嘅甜味！鸡肉大菜饺子水饺里面嘅大叶，即系紫苏叶，紫苏叶嘅香气好浓郁，配埋鸡肉做水饺，我都系第一次食，感觉都几清新！金罗汉果白茶完全系自家制feel，唔甜，苦苦涩涩，饮落口，觉得好清凉好解毒！呢间饺子店，完全可以encore！