聚寶廚坊 (已結業)

聚宝厨坊(10/9) 星期五 晚上8点左右特式：本身唔系谂住食呢间，但星期五既晚上，又唔book位既情况下，好多地方都爆场，经过聚宝见有位就拣佢啦，平时都有食开lunch，同外卖佢d晚餐小菜，佢d海南鸡都还可以，小菜都系正常茶餐厅水平。但今次系试下佢d鸡煲。食物：叫左个鸡煲餐，鸡煲份量有一只鸡，包一碟牛肉，一碟莴笋，一盆菜，一份墨鱼滑，一碟蟹柳棒，两个乌冬。(个餐$5xx) 另外叫左个一斤既酸菜鱼 (百几蚊）鸡煲味道好普通，自己系屋企都整到，仲分分钟好味过佢；牛肉正常普通野，系好过酒楼个d任食火锅牛肉；菜类都正常新鲜；墨鱼滑就几好食，有好多墨鱼粒，有咬口；蟹柳棒就系类似X宝好少少个d。饮品：叫左6~7 Hoegaarden，2x蚊支唔算贵。环境：舖头唔算大，但星期五晚都仲有几多位，有卡位或大枱，唔算太干净，但又未到反感，坐得都算舒服。服务：楼面态度ok，但因为佢收10点，所以9:45左右就系咁帮你收野，但都明白既，收工紧要。价钱：三个麻甩佬去食，以上既野都食到饱晒，埋单900，每人300唔算贵，但同价仲有超多选择，如果你有时间预早book位既话。