Burger Begin (已結業)

今日又出动去红磡揾食～ 呢间餐厅主打平民汉堡，最平$48就有交易！ 我地𠮶日下昼黎到，就见店员喺店同食客讲解有咩推荐～ 最后听完介绍我同朋友就决定叫两个汉堡，一热狗同小食～黄金汉堡：黄金汉堡嘅卖点系佢哋用左自家咸蛋黄酱，咸蛋黄味道未算好浓，但有起沙感，两者加埋几夹，令人一食上瘾！皇牌鹅肝汉堡：叫得皇牌我劲期待！出黎都总算无令我失望，佢哋嘅鹅肝真材实料，煎完出嚟都系超厚身，口感软嫩，油脂满满，再加埋安格斯嘅牛肉汉堡，充满肉汁，牛味极浓，令到汉堡嘅口感味道都升华不少～～～～芝士辣肉酱热狗：辣肉酱好惹味，加埋表面洒满芝士，味道变得更加丰富～唐扬鱿鱼配秘制辣香草茄汁：呢度厨师系嚟自洲际酒店嘅日式餐厅，所以佢啲酱汁都系自家制，同埋唐扬算系佢本身嘅拿手好戏，果然鱿鱼即叫即整，鱿鱼外面卜卜脆，咬落弹牙兼爽口，加埋辣辣地嘅酱汁，变得更加惹味。