拉麵天王

营业中

休息中

呢日同屋企人行黄埔吉x岛， 买完嘢之后去附近揾食， 经过一间拉面店门口， 见到门口装修都几有日式风格， 睇完餐牌都觉得啱食就入去试下， 餐厅装修和其他拉面小店差不多， 有张长嘅拉面吧枱， 然后有几张四人枱， 摆设都算企理干净。烤饺子呢款饺子唔系煎嘅， 应该系用焗嘅方法嚟做， 令饺子比较少油， 健康啲， 可以保持到肉汁。迷你天王丼因为小弟比较大食嘅关系， 加上当日比较肚饿， 下一碗拉面医唔饱个肚， 所以小食都拣咗个迷你饭， 迷你饭都配咗半只流心蛋和豚角肉， 豚角肉够淋身入味， 上枱前仲用火枪烧过， 有多层焦香味。胡椒天王拉面个胡椒汤底几特别， 面层加咗芝士， 中和咗胡椒嘅辣味， 所以食落去我觉得唔算太辣， 叉烧都几大片， 够淋够入味， 食到一半面层嘅芝士开始溶， 又做到拉丝嘅效果， 个面身做到爽口弹牙。黑天王拉面朋友叫咗个黑天王拉面， 即系黑蒜油拉面， 个汤底系用猪骨汤加黑蒜油， 我试咗少少， 猪骨汤底几浓郁， 黑蒜油味道好香。