春田冰室

营业中

休息中

红磡呢近年真系就多咗好多新楼入伙，今日我就去咗喺红磡嘅焕然懿居楼下嘅商场一间新开嘅茶餐厅。呢间餐厅装修新颖，一睇就知啱啱装修完成，几干净企理，唔算好迫，卡位仲几好坐，仲有一幅green wall 俾人打卡。叫埋除咗一般嘅茶餐厅嘢食之外，餐牌仲有啲特别既推介，好似厚多士等等，我𠮶日系中午时间去仲未食午餐，所以就叫咗一个椰子鸡米线，个米线加咗啲椰奶，甜甜地嘅，鸡肉又好嫩。另外我朋友就叫咗咖喱吉列猪扒意粉，咖喱汁几香浓，入边仲有少少洋葱碎，而猪扒就炸得啱啱好，外脆外软，咖喱汁配埋啲意粉都几好食，系有少少唔够辣。间餐厅整体都ok，装修够新净，啲侍应都几醒目，食品质素又有返咁上，望返个价钱又唔算贵，性价比都几好。