The Bayside

营业中

休息中

好耐冇嚟过红磡海旁，就算夏天既晚上，因为有海风吹过，所以都好舒服。海逸君绰酒店地下呢间餐厅，坐低食吓嘢，饮吓酒，啱晒成个气氛。除咗大量酒类选择，食物一样好丰富，又有特色。龙虾堡面包中间放满龙虾肉，每一口都充满滋味，面包亦好松软。香脆鱼柳墨西哥夹饼墨西哥夹饼中间有香脆鱼柳，加上微辣酱汁，惹味有惊喜。炸薯条配黑松露蛋黄酱即炸薯条，热到一个点，衬热食，外脆内软，配黑松露蛋黄酱，会令人食唔停口。和牛肉酱意大利宽带面将和牛变成肉酱，配意大利宽带面，和牛香味突出，将意大利宽带面带到另一个层次。脆皮乳猪配马铃薯乳猪皮薄而脆，肉嫩，有两款酱汁配搭。三大件配马铃薯同青椒好丰富。和牛配黑松露酱及有机萝卜 和牛切成长型，口感香嫩，入口有肉汁，同平时食牛扒既体验好唔同。巴斯克芝士蛋糕配红莓雪葩芝士蛋糕比想像中仲要大件，两个人都食唔晒，加埋红莓雪葩清新一下。Corona 2 for 1Happy hour呢款啤酒买一送一，劲抵玩。