阿里山 (逸酒店) (已結業)

星期日去咗黄埔行街，行咗去芜湖街𠮶边，见到有间古早蛋糕店「阿里山」有人排紧队，我哋就走去八下，原来啲人买紧榴梿味😂，但我唔食的。不过蛋糕其实有🌈好多款口味，包括比较大路(如原味、朱古力同芝士等)同店舖独家(如榴梿、柚子同榛子等)嘅款式。望多两望，头先嘅人流已过，店员好热情地让我哋试食，并介绍唔同口味所采用嘅食材，全部都系真材实料👍。后尾老板出现埋，佢更加落力同友善，我哋仲同佢吹咗阵水。等蛋糕出炉嘅时候，就可以睇下右手边厨房整饼嘅过程，各个步骤显露于街坊眼前，洗蛋同打蛋等各工作都交由后生师傅包办🧑🏻‍🍳！蛋糕出炉后，就交俾女店员切，佢好精准咁用间呎度住嚟切，成条生产线好流畅😊。我同朋友夹埋买咗三款，其中两款我同佢Share，咁就可以食多款口味！留意番，呢间蛋糕舖系可以买半条㗎😉。榛子蛋糕($85)，呢款蛋糕嘅面特别唔同，因为有好多坚果粒🌰，令人联想起好似食紧金莎咁，为蛋糕加添口感；而蛋糕本身就有微微嘅咖啡同朱古力味。朱古力蛋糕($85)，蛋糕无论味道定颜色都好浓郁，🍫朱古力味甜甜的，并且加入咗朱古力粒，切嘅时候觉得硬硬地，但食落又唔觉㖞！日本柚子蜂蜜蛋糕($95)，🍋柚子味道突出，食得出