紫荊閣 (已結業)

朋友介绍去红磡Sav Hotel 食中菜-紫荆阁，座位宽敞，有一家人食饭既大枱，又有同客倾生意既细枱。呢度最有特色系-叫化鸡（乞衣鸡）， 当然一早预订。坐低不久，鸡先上，一车推出黎，店员可让客人自己弄碎外壳, 用除仔扑左几下，试试手感，之后比返店员。碎开后就闻到荷叶香味，店员用较剪剪开，啲骨焗到软晒，切开只鸡里面内有干坤，有冬菇丝，红枣作馅料，渗透入鸡肉，成只鸡都好香。小菜叫了西兰花炒花枝片$128，花枝片唔会韧，弹牙。再点了菠萝咕噜肉$98，外皮松化，个甜酸汁好醒胃。还点了香葱淮香虾$128，炸至脆口，香葱味浓郁，虾身有淮盐香味，爽口。已好满足之济，店员还说会送上甜品，系海带绿豆沙，加了海带芽好幼滑，绿豆起沙。价钱唔算贵，以酒店级数，每人约$250。