Involtini Italian Cuisine

营业中

休息中

食左个招牌红虾意粉，系我人生中最好食嘅一个意粉！上面𠮶一个香草系紫苏花，第一啖食落个意粉好正，第二啖加埋底过一个汁，真系惊为天人，第三啖加埋香草食，有另一番风味，到最后只红虾同带子，都变咗配角！第二个系蚬肉蟹粉云吞之类啦，你哋可以睇Menu，我圈住左，个人感觉，真系比下去，我觉得个Carbonara 仲正过佢，虽然佢用啲好贵嘅料，日本蚬，蟹粉，意大利椰菜花，但加埋一齐，我觉得复杂咗，好似食紧蟹粉小笼包𠮶一个味咁，个皮系好滑嘅！不过我朋友就觉得佢好好食，好食过Carbonara！口味嘅嘢，真系好个人！Carbonara 都系好好食，好欣赏佢整到个烟肉微微脆，个意粉系同红虾意粉果一款一样嘅，但系另一种感觉，好香浓，好彩我上咗个红虾意粉先！到最后仲叫咗一个蘑菇汤，佢哋好贴心咁将个汤同你分开两半，但系个意粉太好食啦，蘑菇汤就冇乜特别！最后想赞过个红酒煮啤梨，好好食，但系个红酒汁反而同个梨唔夹，我个人觉得个汁麻麻，就咁食个啤梨就已经超级正！雪糕仲可以拣味！个餐前面包都好好食，杯冻朱古力就一般般！最后买单两个人 $1200 左右，我下次一定会叫两个红虾意粉，咁样会觉得满足啲！