大家樂

营业中

休息中

夜晚同屋企人唔知食咩好，就去左大家乐食，谂左好耐唔知食咩好，见到纽西兰西冷牛扒铁板餐个牌咁吸引就简左佢。我叫左纽西兰西冷牛扒铁板餐+芝士酱汁+低糖绿茶。等左一阵，劲肚饿，见到身边都有食到铁板餐，但始终见唔到完整既样。终于到我既号码，我充满好奇行过去，但第一眼已经令我大失所望，意大利粉既份量仲多过块牛扒，同个牌既完全相反(牌中既意大利粉份量系一小卷，然后块扒系占个铁板既3分之2)不过芝士酱汁就有好多。第一啖我食左个意大利粉先，只能说真系好干好干好干，第二啖食牛扒，好薄，而且又好硬好韧，咬到个牙胶都攰，第三啖食个肠，几好食，皮好脆，个餐包配牛油都好好食 (配菜仲好食过主菜…)。另外值得一赞既系杯低糖绿茶同芝士酱汁，杯低糖绿茶唔会好甜又唔系话好淡，好岩配哩食铁板下火，而个芝士酱汁，唔系好浓，又唔系好"流"，配落去几好味。最后饿到扁既我，都有食左3分之2，其余就share比屋企人。