Maison Meiji (裝修中)

平时懒唔会写食评，但今次真系少数食到觉得中伏嘅餐厅...希望餐厅可以努力改进平日夜晚收咗工去，唔知道原来有夜晚专用menu，提供类似居酒屋嘅食物款式选择。叫咗一碟醋蕃茄、一碟和牛、一个蛋包饭两个人share。卖相几好但全部都overpriced，食物质素同价钱唔成正比，调味都好一般。蕃茄食落唔够熟，无甜味亦唔够淋；和牛无牛味，中间有根，有啲似嚼香口胶；蛋包饭算最正常，但上面嘅炸鸡好厚炸粉，烧汁调味一般，入面系过湿嘅茄汁炒饭。可以赞嘅系service好，waiter/waitress有礼貌亦好勤力refill水；环境都真系好靓打卡一流，而且唔多客唔会太嘈，亦坐得松动有足够私人空间。埋单差唔多$760，斋讲食物真系最多最多值一半价钱，只可以当有一半都系用嚟买个环境。可能本身餐厅环境同价钱定位令到我有expectation，所以好失望，如果当佢系普通cafe food去睇嘅会好好多。