白布烏冬 (荔枝角道) (已結業)

一条条既乌冬就食得多，一片片既乌冬真系未食过。今次第一次黎试白布乌冬，好新奇☺味道都唔错几好食😋未试过既绝对值得一试！佢呢度午市都几抵食，$75有一份乌冬、一碗迷你丼饭、一份冷菜再加一份小料理👍乜都食到啲，正啊！ 1⃣️鸭肉入热汤白布乌冬 + 迷你亲子丼 + 明太子玉子烧 + 盐烧鲭鱼（$75）白布乌冬滑捋捋，食落口感几烟韧，冇我想像中咁易夹断😲一碗大概四五块乌冬，啱啱好过到口瘾🤤汤底系鲣鱼汤，清甜好饮，配料仲有啲菇同腐皮。腐皮浸过啲甜甜地既汁，食落有汁渗出黎😋另外鸭肉系烟熏过既鸭胸，几厚。  另外饭拣左亲子丼，虽然系迷你但系其实份量都唔少，鸡肉同滑蛋份量都多。滑蛋够滑，送饭一流👍明太子玉子烧甜甜地，夹埋明太子酱好正。仲有鲭鱼，鲭鱼就比较细件，比较普通。  但系一个餐可以食到咁多野，都真系几满足。同埋白布乌冬真系好特别，大大块，薄薄地好滑但系又几烟韧😚  2️⃣牛肉热汤白布乌冬 + 迷你天妇罗饭（+$12）+ 明太子玉子烧 + 盐烧鲭鱼（$75）（+$8转鸡白汤）呢碗既乌冬就拣左鸡白汤，白布乌冬一样系滑一滑口感好好，鸡白汤汤底唔算浓稠，个人会比较推荐本身既鲣鱼汤底多啲，建议唔洗加钱赚汤底。