影片
更多
2020-10-06
199 浏览
阿妹极力推介素年, 咁岩见荃湾开左分店，好近屋企，所以短时间内食左2 次。第一次用餐日期系9 月11 日(星期五晚)，咁岩限聚令放宽左, 心血来潮想WALKIN 去食晩餐, 点知原来唔BOOK 就冇位啦, 咁唯有叫外卖返去食啦，外卖仲有9 折添!MENU 食物选择唔算太多, 最后我地点左不可能肉酱意粉、冬荫意大利饭同黑松露芝士蕃薯条。外卖大约等15 分钟左右就有啦! 急不及待即刻返屋企食呀! 食物包装用纸盒, 我好钟意, 环保D，不过D 食物就唔太保温。先试黑松露芝士蕃薯条, 虽然返到屋企唔系第一时间食, D 蕃薯条冇咁脆，但无损薯条本身既味道。钟意黑松露味既, 可以点埋个黑松露酱呀! 不可能肉酱意粉 - 用上素肉黎煮, 但系口感食落同真既冇分别，而个酱汁酸酸地, 调味岩岩好, 真系好好味! 唔讲真系唔觉食紧素。我同老公不断夹不断夹, 好快就食晒啦! 冬荫意大利饭 - 有泰国茄子, 蕃茄仔, 露笋, 香茅等黎煮, 饭个质感系好粘稠。我本身唔算食得辣, 个饭食落我觉得比起平日出面饮既冬荫公汤辣, 越食越出汗。配料茄子, 蕃茄仔, 露笋, 好好食。不过由于之前已经食左不可能肉酱意粉同黑
阿妹极力推介素年, 咁岩见荃湾开左分店，好近屋企，所以短时间内食左2 次。
第一次用餐日期系9 月11 日(星期五晚)，咁岩限聚令放宽左, 心血来潮想WALKIN 去食晩餐, 点知原来唔BOOK 就冇位啦, 咁唯有叫外卖返去食啦，外卖仲有9 折添!
MENU 食物选择唔算太多, 最后我地点左不可能肉酱意粉、冬荫意大利饭同黑松露芝士蕃薯条。
外卖大约等15 分钟左右就有啦! 急不及待即刻返屋企食呀!
食物包装用纸盒, 我好钟意, 环保D，不过D 食物就唔太保温。
黑松露芝士蕃薯条
$68
7 浏览
0 赞好
0 留言
不可能肉酱意粉
$88
12 浏览
0 赞好
0 留言
冬荫意大利饭
$88
13 浏览
0 赞好
0 留言
冬荫意大利饭 - 有泰国茄子, 蕃茄仔, 露笋, 香茅等黎煮, 饭个质感系好粘稠。我本身唔算食得辣, 个饭食落我觉得比起平日出面饮既冬荫公汤辣, 越食越出汗。配料茄子, 蕃茄仔, 露笋, 好好食。不过由于之前已经食左不可能肉酱意粉同黑松露芝士蕃薯条, 已经好饱, 所以呢个饭食左少少之后我留左第2 日食。第2 日煮返热个饭黎食, 都好好食呀!
----------------我是分隔线------------------
第二次用餐日期系9 月27 日, 星期日起身已经LUNCH TIME, 于是谂住落去素年睇下多唔多人食。一去到已经12:45, 都见到一堆人等紧, 里面已经坐满晒人, 估计已经入左第一轮。我地去拎筹, 要等9 张枱, 为左食好西, 等下啦。素年出面有张长椅, 不过当日有一边泊左2 架单车 (系用紧餐既客人暂放的), 于是只有2/3 既位可以坐, 其他人唯有企o系度等。等左大约30 分钟, 终于可以入坐啦!
坐低后挣扎紧今日食咩好呢? 本来想食个纯素沙律碗, 但系鱼香茄子意粉又好吸引, 好啦! 作出当日既第一餐, 就食鱼香茄子意粉啦! 老公就拣左黑松露蘑菇汉堡包。
鱼香茄子意粉
$88
21 浏览
0 赞好
0 留言
鱼香茄子意粉 - 好好食呀!!!!!! 估唔到用中式煮法既意粉咁好食, 调味刚刚好, 唔会太咸! 意粉既软硬度亦好适中, 唔会太淋! 唯一要弹既系油左少少, 不过整体黎讲我接受到。我食到唔停口, 下次我都会再点黎食呀!!!!
黑松露蘑菇汉堡包
$98
17 浏览
0 赞好
0 留言
黑松露蘑菇汉堡包 - 老公点左呢个汉堡包, 等左大约10 分钟先上, 我都已经食完我个意粉了。汉堡包配上老公钟意食既蕃薯条, 佢好开心呀! 包中间有一块大蘑菇同沙律菜, 好新鲜。蕃薯条好脆, 真系好好食, 跟餐既冻玄米茶亦不错呀! 食完热气野再饮一口冻饮, 感觉不错! 不过想讲讲个包既份量相比起其他饭或意粉较细, 男士食未必够饱。
整体黎讲, 餐厅装修好靓, 好多打咭位, 我见好多女仔影相。而食物份量其实都大份, 男士都够饱。相比起食物MENU, 饮品MENU 明显较多选择, 我见隔离枱ORDER 左花茶同咖啡, 下次可以试下呀!
题外话/补充资料：
1. 等候期间见到有2 位僧侣去餐厅买外卖, 素年既菜色都得到佢地认同, 相信素食既朋友都可以安心。
2. 用餐期间见到客人有一家大细, 上年纪既叔叔姨姨, 感觉菜单适合任何年龄层。
(以上食记乃用户个人意见 , 并不代表OpenRice之观点。)
张贴
