影片
更多
2018-09-13
2768 浏览
近年观塘区开左好多讲求质素及造型的素食店, 连素食法国 fine dinner 都有, 今日唔系食 fine dinner, 系同朋友黎呢间为食友界口碑唔错的尚素。尚素装潢典雅, 商务晚宴也不失礼。素菜卖相都唔错, 以斋菜嚟讲, 尚素价钱算系中上价。散叫价钱都唔平, 佢哋刚刚出咗个秋季套餐, 呢个秋尝二人/四人套餐几抵食, 样样有啲, 可以试多啲唔同款式素食, 二人套餐包三个小食、二个汤品、两个主菜、两个白饭及两个甜品, 折实$388。 秋尝二人套餐 （$388/75折后）小食 ~ 五味人生*百灵菇刺身 ~ 外型几似鲍片, 拈芥末豉油食, 口感有啲似鲍片。*麻辣海蜇 ~ 麻辣酱捞蒟蒻条, 蒟蒻条香辣弹牙。*凉拌杞子苦瓜 ~ 苦瓜片爽脆, 不经调味, 微苦, 够fresh。*鲜淮山片 ~ 鲜淮山健康又爽口, 口感食味皆好。*黄耳/云耳~ 加咗少量许柚子醋捞, 够清淡又有益。小食 ~ 椒盐素鱿片呢个似韩式鱼片, 尚素就用走油嘅方法, 再撒上椒盐及椒丝香蒜粒, 好香口。小食 ~ 黑松露糯米烧卖黑松露即时令素烧卖味道提升不少, 糯米软滑, 配上爽口沙葛粒及素菜粒, 口感丰富, 味道轻盈, 好食
尚素装潢典雅, 商务晚宴也不失礼。
素菜卖相都唔错, 以斋菜嚟讲, 尚素价钱算系中上价。
散叫价钱都唔平, 佢哋刚刚出咗个秋季套餐, 呢个秋尝二人/四人套餐几抵食, 样样有啲, 可以试多啲唔同款式素食, 二人套餐包三个小食、二个汤品、两个主菜、两个白饭及两个甜品, 折实$388。
秋尝二人套餐 （$388/75折后）
小食 ~ 五味人生
*百灵菇刺身 ~ 外型几似鲍片, 拈芥末豉油食, 口感有啲似鲍片。
*麻辣海蜇 ~ 麻辣酱捞蒟蒻条, 蒟蒻条香辣弹牙。
*凉拌杞子苦瓜 ~ 苦瓜片爽脆, 不经调味, 微苦, 够fresh。
*鲜淮山片 ~ 鲜淮山健康又爽口, 口感食味皆好。
*黄耳/云耳~ 加咗少量许柚子醋捞, 够清淡又有益。
小食 ~ 椒盐素鱿片
呢个似韩式鱼片, 尚素就用走油嘅方法, 再撒上椒盐及椒丝香蒜粒, 好香口。
小食 ~ 黑松露糯米烧卖
黑松露即时令素烧卖味道提升不少, 糯米软滑, 配上爽口沙葛粒及素菜粒, 口感丰富, 味道轻盈, 好食。
尚品素汤（冇味精）
素汤标榜冇味精, 今日系猴头菇煲黑豆汤, 汤附黑豆、白豆、桂圆及红萝卜等, 汤头清甜, 素汤应该系咁, 唔使太多嘅调味料, 红萝卜、桂圆及猴头菇绝对可以令汤清香而甜美。
咕噜甜酸素肉
食味比真的猪肉咕咾肉爽酸, 令斋咕噜肉更惹味, 甜酸汁伴素肉及菠萝, 好送饭。
豆乳汤枣皇百福袋
两个福袋浸在白汤上, 造型别致。
白汤有啲似鱼汤, 实质是豆腐汤底, 福袋有豆香, 馅料清新爽口, 加咗黑松露酱捞过的香菇蔬菜粒, 清而香。
是日甜品 : 腐竹薏米糖水
腐竹煲到溶晒, 令糖水充满腐香, 仲有巧多薏米, 薏米煲到开晒花, 未食过咁滑口嘅薏米, 糖水也不太甜。
尚素素菜有别于其他斎馆, 味道比较清纯, 冇咁油腻, 主张食材原味, 咁先似食斋嘛。
张贴
