餛飩仔媾餃子妹

营业中

休息中

之前系社交平台见到呢间饺子店有无五辛素炸酱面，bookmark咗好耐，早排终于有时间去试。虽然小店提供素食系值得鼓励，但食物质素一般，试过一次就算。店舖面积极细，老板娘全程都企系厨房位置，有块布帘隔住，只有出菜时先出一出黎。招牌一人套餐 ($65) (转素饺子 +$5)素香炸酱捞面 + 小馄饨12粒或手工饺子5只素炸酱主要有素肉碎同梅菜，咸咸哋用黎捞面唔错，但炸酱比较油，食完有大约一茶羹油剩系碗底。素饺子好大粒，入面包有素肉、木耳同椰菜，皮薄，比较容易散。跟餐送: 罐装汽水P.S. 我冇食肉饺子，但朋友话唔好食，至尊蟹皇鲜肉饺入面全部都系结实嘅肉馅，完全冇蟹皇嘅元素，食完都几腻。