影片
更多
2018-12-21
620 浏览
约咗一位好耐冇见嘅朋友食晚餐，由于朋友只系食素嘅关系，所以我哋就揾左呢一间专食素菜嘅私房餐厅餐厅系走简约风嘅路线，只有少部份盆栽嘅装饰，其他大部份都系一啲茶叶嘅产品、有关素食嘅书本同埋一啲精致嘅餐具晚市已经set好套餐，套餐都几丰富，净系前菜已经有四款，另外仲有沙律、餐汤、小食、主菜同埋甜品，私房菜来讲，价钱算系几优惠一坐低店员已经会比一壸是日嘅茶我地饮，是日嘅茶系牛蒡茶，牛蒡嘅味道都几出，消济解渴先来前菜，一向钟意食秋葵嘅我，估唔到配日式味噌酱系咁夹，本身秋葵嘅味道偏淡，配埋咸咸香香嘅味噌啱啱好。粟米糕上面嘅莲藕菇酱味道好浓郁，充满菇嘅香味，粟米糕口感软林林，好易入口。另外燕麦能量球口感烟韧，配埋乳酪酱都几特别香橙沙律，沙律菜处理得干净新鲜，配埋橙酸酸甜甜几开胃餐汤系花椰菜淮山甘笋汤，好creamy，仲食到一粒粒嘅花椰菜，口感好丰富，配埋松软嘅面包食，非常夹令我最惊喜嘅系呢个千层面，并唔系一般嘅千层面，而系中间夹住左泡菜同青瓜，令到口感更爽口，酸酸辣辣几惹味黑松露芝士炸薯球，外皮炸得好脆，里面嘅薯蓉软林林，食到中间就食到黑松露同埋芝士，芝士系拉丝嘅，黑松露嘅味道好浓郁，配薯蓉一流饭后
餐厅系走简约风嘅路线，只有少部份盆栽嘅装饰，其他大部份都系一啲茶叶嘅产品、有关素食嘅书本同埋一啲精致嘅餐具
晚市已经set好套餐，套餐都几丰富，净系前菜已经有四款，另外仲有沙律、餐汤、小食、主菜同埋甜品，私房菜来讲，价钱算系几优惠
一坐低店员已经会比一壸是日嘅茶我地饮，是日嘅茶系牛蒡茶，牛蒡嘅味道都几出，消济解渴
先来前菜，一向钟意食秋葵嘅我，估唔到配日式味噌酱系咁夹，本身秋葵嘅味道偏淡，配埋咸咸香香嘅味噌啱啱好。
粟米糕上面嘅莲藕菇酱味道好浓郁，充满菇嘅香味，粟米糕口感软林林，好易入口。
另外燕麦能量球口感烟韧，配埋乳酪酱都几特别
香橙沙律，沙律菜处理得干净新鲜，配埋橙酸酸甜甜几开胃
餐汤系花椰菜淮山甘笋汤，好creamy，仲食到一粒粒嘅花椰菜，口感好丰富，配埋松软嘅面包食，非常夹
令我最惊喜嘅系呢个千层面，并唔系一般嘅千层面，而系中间夹住左泡菜同青瓜，令到口感更爽口，酸酸辣辣几惹味
黑松露芝士炸薯球，外皮炸得好脆，里面嘅薯蓉软林林，食到中间就食到黑松露同埋芝士，芝士系拉丝嘅，黑松露嘅味道好浓郁，配薯蓉一流
饭后甜品系伯爵茶朱古力奶冻，伯爵茶味道香浓，奶冻好软滑，为成餐画上一个完满的句号。
张贴
