The Joomak (已結業)

唔知几时开始出现咗GREEN MONDAY呢个风气，所以好多时星期一都想食清啲。而咁啱身边又有由细食素到大嘅朋友，耳濡目染之下都食得健康咗。今晚同佢一齐报完工联嘅兴趣班，就过咗黎食饭。适逄星期一呢度又有个素食自助餐推出，二话不说就坐咗入黎，哈哈。餐牌选择当然唔系话十分之多，但绝对样样都有啲，实有啱口味嘅食物。因为落雨关系有啲寒冷，所以先点咗个部队锅驱一驱冷意。锅子细细大概系1.5人份量，所以食完都唔会太滞。材料都有即食面／泡菜／豆腐及年糕等，味道甜酸辣均衡，几唔错。当然常见嘅午餐肉／香肠都转晒做素制品，但味道差不多唔会唔夹。食完热野当就转食多啲饱肚嘅食物，紫菜手抓饭一定必点，香口紫菜配上芝麻油及暖暖地嘅饭，好好食，中间再沾上一啲韩式辣酱，滋味再上一层。麻酱雪耳沙律。入面有少食嘅冰菜／雪耳／韩国水梨等，爽脆口感之余味道酸酸地，好开胃。麻酱配上柚子醋大大将部队锅嘅油腻带走。烧素鳗鱼。味道真系几可乱真。豆腐皮配上厚身紫菜做成鳗鱼嘅质感，入口结实混和酱汁真系以为自己食紧照烧鳗鱼。芥未素炸鸡。一次有三粒唔会令人食完太漏。素鸡肉香口之余，配上芝士粉及芥未十分惹味。虽然系炸物但唔太觉油腻。几唔错。素