影片
更多
2019-08-17
447 浏览
夏天太热冇咩胃口，平时食太多肉食到肚滞滞又唔想食咁多肉，不如转下食素食清下肠胃~食完绝对有惊喜!今次食dinner set 个set会包含一款花茶而今次就有蝶豆花甜菊叶茶，蝶豆花茶入口甘甜，带有余香，令人心旷神怡。当花茶配合前菜嘅芝麻高丽菜既酸爽，真系又健康又开胃。接下来有五色蔬菜水晶冻，有著五种蔬菜既颜色，加上外层系透明既啫喱，卖相十分吸引。口感亦十分出色，蔬菜新鲜爽脆再加上粟米既香甜简直系天作之合。要赞一下日式蕃茄豆苗沙律，第一口既印象系十分清新。蕃茄非常新鲜多汁加上微酸既汁配合，仲有新鲜既豆苗点缀令到整个口感提升。黑松露芝士炸薯球，咬落完全唔会太腻，外面同普通既炸薯球无异但咬落去就知道分别系很大。松脆既外壳柔软既薯蓉，再加上黑松露同芝士简直系完美配搭。亚麻籽南瓜甘荀汤望落去已经觉得南瓜好足料，汤水同南瓜既比例亦好好，每一啖都有「糊」入口，加上甘荀既香配埋呢个口感，真系想嚟多碗。主菜就系四川麻辣担担拌面，拌面最怕就系太干令到面质唔好，而呢个面就无呢个问题。烟韧既面条加上适当既秘制辣油食落唔会干。辣油不是只有辣味，佢带有应有既辣香以及拥有令人上瘾既辣味，就算系辣都唔会辣得好辛苦。辣既
今次食dinner set 个set会包含一款花茶而今次就有蝶豆花甜菊叶茶，蝶豆花茶入口甘甜，带有余香，令人心旷神怡。当花茶配合前菜嘅芝麻高丽菜既酸爽，真系又健康又开胃。接下来有五色蔬菜水晶冻，有著五种蔬菜既颜色，加上外层系透明既啫喱，卖相十分吸引。口感亦十分出色，蔬菜新鲜爽脆再加上粟米既香甜简直系天作之合。
要赞一下日式蕃茄豆苗沙律，第一口既印象系十分清新。蕃茄非常新鲜多汁加上微酸既汁配合，仲有新鲜既豆苗点缀令到整个口感提升。
黑松露芝士炸薯球，咬落完全唔会太腻，外面同普通既炸薯球无异但咬落去就知道分别系很大。松脆既外壳柔软既薯蓉，再加上黑松露同芝士简直系完美配搭。
亚麻籽南瓜甘荀汤望落去已经觉得南瓜好足料，汤水同南瓜既比例亦好好，每一啖都有「糊」入口，加上甘荀既香配埋呢个口感，真系想嚟多碗。
主菜就系四川麻辣担担拌面，拌面最怕就系太干令到面质唔好，而呢个面就无呢个问题。烟韧既面条加上适当既秘制辣油食落唔会干。辣油不是只有辣味，佢带有应有既辣香以及拥有令人上瘾既辣味，就算系辣都唔会辣得好辛苦。辣既时间饮一啖蝶豆花茶，又可以继续食，简直系爽！
最后以椰汁哈蜜瓜桃胶露作甜品，椰汁唔会太甜及太腻。有淡淡既椰香，哈蜜瓜丝同桃胶露作为口感既配撘令到成个甜品又香又甜又爽，好容易令人沉醉系美食当中。
张贴
