常樂素食 (已結業)

素食已经成为潮流。生日饭唔想食肉，就拣咗呢间。两个女人，叫咗好多小菜。拼盘三款，卤蛋，豆腐干，鸡肶菇，三样都好食，因为已经好肚饿，哈哈。其实唔需要上面嘅汁都已经好够味。炖汤两款系要订定，猴头菇粟子，党参合桃都好饮，但点解味道咁类似？两个都好甜。咕噜肉，酸酸甜甜梗开胃，大豆蛋白有咬口，几唔错。基本上酱汁，煎炸小菜都系我避开嘅类别，今日就舍命陪君子。小笼包，一笼六只用小碟上，入面系杂菇加豆蓉之类(唔肯定)嘅饀，都几特别。甜品要了桂花糕，有半饭碗咁大，分享就啱啱好。8样食品，卖单500多，要订位，因为好爆，眼见唔少外国人嚟食，呢度无酸甜斋𠮶啲食，餐牌亦有好多菜式已无再供应，可能因为功夫菜，有啲可惜。