敬一素食私房菜 (已結業)

因为川菜好多时候都会落咗葱蒜，同埋好多时候水煮嘅菜式都系水煮鱼，或者水煮牛肉，猪肉，鸡肉咁样。真系好少会整水煮嘅斋菜。早排想同我班好姊妹食开年饭，我哋发现有呢一间川菜系列嘅斋铺。就二话不说book咗嚟试吓菜。当日个侍应都好积极好有礼貌咁样推荐咗好多佢舖头嘅名菜。辣炸子鸡，值得一赞系佢嘅尖椒唔辣，但系炸到好似薯片咁脆。辣脆善，欣赏师傅嘅手工，越嚟越少斋铺会整脆善，因为工序好繁复。味道野味，唔错。粉丝雑菜煲，斋铺必叫。不过不失，但用料好足。炒饭 唔够干身，但香桩酱几香叉烧紫菜卷，呢个个店员极力推荐，叉烧系几唔错，够脆够香！紫菜卷对比叉烧就有点失色。怀山炒木耳，呢个我反而欣赏，简洁，味道清新！咕噜肉 ，中中挺挺黄金豆腐 ，呢个有小小失望，外皮唔够脆，汁另上会好啲。总括来讲水煮菜式系几出色，仲有当晚招呼我地嘅楼面都值得加分