功德林上海素食 (世貿中心) (已結業)

平时少食素，今日假期跟屋企人来，中式点心，选择都唔少，我最喜欢春风得意肠，萝卜、甘笋、芹菜及春卷皮做，口感一样香脆，唔会觉得素食味道差了。萝卜丝酥饼刚刚炸起，够热够酥脆，是另一款无肉都唔多影响味道的点心。咕噜肉都好，见个様已经仿真度99分，颜色完全一样，配埋青椒、黄椒、菠萝，摆都好样，见到知道好食，最重要个汁，酸甜味道教得好，素肉炸得皮脆，口感不比真猪肉差好多。每人二百元左右埋在单，有大玻璃海景欣赏，在铜锣湾唔算贵。