簡單主意

营业中

休息中

简单主意有提供4款素食定食，每款定食都会包主食、沙律、白饭同面豉汤。落单系用QR code，拣完定食后仲可以选择口味，例如走蛋、走洋葱、走西椒等。一般店舖嘅面豉汤都含有鱼嘅成分，但呢到嘅面豉汤冇鱼、肉嘅成分，所以素食者都可以享用。素之午市定食野菜天妇罗定食 ($76)天妇罗有茄子、紫薯、南瓜、冬菇、翠玉瓜等，我未食过翠玉瓜天妇罗，口感几得意。天妇罗外表香脆，完全唔油腻。整体味道唔错，唯一不足系天妇罗定食需时制作，我哋去嘅时候咁啱撞正lunch time，同埋厨房好似得1位厨师，所以我都等咗大约20分钟先有得食。如果赶时间，炒嘅主食会比较快。