農舍 (已結業)

继续南丫岛之旅♡♡♡ 睇完风车行返落山已经热到溶咗, 嗱嗱临揾间餐厅饮杯凉浸浸嘅嘢, 见到 ❥⧽农舍 ❥⧽ 就即刻入去喇。餐厅最入面嘅座位有少少异国 feel, 都坐得几舒服。职员可能都见到我地热辣辣, 好热心咁将d 风扇吹向我地。𓊈炒蛋芝士墨西哥卷配薯角𓊉呢个素菜整得好好食呀, 面层芝士焗得好香浓, 里面嘅馅料比想像中丰富, 有蕃茄粒, 菠菜, 炒蛋同芝士, 味道好夹有层次。𓊈New York Cheese Cake𓊉卖相普普通通, 味道偏甜, 不过口感顺滑。𓊈Mango Lassi𓊉最期待嘅饮品竟然最后先送到, 杯嘢饮都几重芒果味, 唔会太甜。✧✧ 整体食物都唔错, 职员好健谈友善, 如果食素嘅朋友值得一去。