影片
更多
2015-03-22
643 浏览
大家好， 皮蛋豆腐系一对钟意食野既couple，不过我地成日都唔记得我地食过d乜，所以就决定开番个openrice account，有时间既时候就纪录下食过既野啦 今日皮蛋同豆腐出左旺角买d电话配件，行行下到左晚饭时间，就沿住洗衣街行睇下一路行有无d貌似健康d既餐厅。皮蛋豆腐基本上一个星期7日都出街食，所以尽量都想揾d比较清淡既野食。一路行见到呢间叫素食一家既餐厅，入面都几多人，menu上好似都有唔少选择，好啦，今晚就食下斋la。去到六点半左右，一两分钟就安排到位置，哗乜原来香港咁多人茹素同咁早食饭，间餐厅咁早已经full house咁滞。Good有得坐卡位，睇下有咩食先。餐牌上野食卖相都唔错，似酒楼啲小菜，但黎得食素，都想食得健康啲，最好少油少盐少味精。因为我地得两个人，所以只叫左几碟份量少啲嘅菜：先来一个大红一品鲍鱼翅，睇落几足料，调味都唔算浓，冇咩味精味，可以。跟著系红油抄手，粉皮几滑，入面系啲素肉，个汁就唔系平时食开嘅纯辣油，而系有少少花生酱味嘅汁，相对冇咁油，味道唔错，但对我来讲就唔太够辣（可能因为我平时食得几辣）。再来系围村莲藕饼，应该算系最多人叫嘅招牌菜！虽然系炸的，但
今日皮蛋同豆腐出左旺角买d电话配件，行行下到左晚饭时间，就沿住洗衣街行睇下一路行有无d貌似健康d既餐厅。皮蛋豆腐基本上一个星期7日都出街食，所以尽量都想揾d比较清淡既野食。
一路行见到呢间叫素食一家既餐厅，入面都几多人，menu上好似都有唔少选择，好啦，今晚就食下斋la。去到六点半左右，一两分钟就安排到位置，哗乜原来香港咁多人茹素同咁早食饭，间餐厅咁早已经full house咁滞。
Good有得坐卡位，睇下有咩食先。餐牌上野食卖相都唔错，似酒楼啲小菜，但黎得食素，都想食得健康啲，最好少油少盐少味精。因为我地得两个人，所以只叫左几碟份量少啲嘅菜：
先来一个大红一品鲍鱼翅，睇落几足料，调味都唔算浓，冇咩味精味，可以。
跟著系红油抄手，粉皮几滑，入面系啲素肉，个汁就唔系平时食开嘅纯辣油，而系有少少花生酱味嘅汁，相对冇咁油，味道唔错，但对我来讲就唔太够辣（可能因为我平时食得几辣）。
再来系围村莲藕饼，应该算系最多人叫嘅招牌菜！虽然系炸的，但看上去好少油，咬落饼皮几松脆，唔会太多炸粉，入面就好烟韧，莲藕粒口感几好，推荐！
接著是金莎芦笋苗，意外地这碟菜是最惹味的， 香浓嘅咸蛋黄味， 但都唔会太漏，除了芦笋苗外还有海鲜菇，少少番茄丝，素肉粒等，整体很不错。
烧汁鳗鱼炒饭，材料是一些素鳗鱼，昆布，杂豆等，味道唔太浓，烧汁同昆布带起哂成个饭嘅味，炒饭几干身，可能系少油嘅关系，食左两碗都唔觉得好腻。总括而言，呢间野d service 都唔错，侍应厨房都算有效率，坐得舒服，唔会太嘈。食物质素不错，价钱相宜，性价比属于高。如果成日食位于同一条街嘅利园食到闷，不妨都可以试下呢间平价d嘅中菜，都适合成围亲戚朋友去叫𩠌食饭。
张贴
