Green Common (將軍澳中心) (已結業)

平时素食一定唔系我首选，就算知道Green Common开到周围都系，但一直都未试过，但今日经过被佢哋个新menu吸引！餐厅除咗有堂食位，仲有grocery shop。自选套餐（$95）- 包小食、主菜同饮品，如果外卖仲有8折，好掋食。Omni新蟹饼 - 完全食唔岀系素食，外表炸到金黄香脆，而入里个口感同蟹肉极之相似，仲有好香嘅胡椒味，一定要试。葡汁新炸鱼柳烩藜麦蒟蒻米 - 蒟蒻米高纤低热量，低升糖，减肥人士必食！捞埋葡汁真系好似饭。而旧炸鱼柳一啲都唔输真鱼柳，虽然无鱼嘅鲜味，但胜在口感相似。焙茶拿铁（+$15）- 用嘅系Minor Figures oat milk冲，用植物奶就更健康喇。焙茶味好浓郁，最好嘅杯嘢饮整唔甜。流心香芋西多士（$46）- 好似好邪恶咁😂 但热辣辣嘅西多真系好难抗拒！个西多即叫即整，好软熟又有咬口，而入面嘅流心香芋唔会好甜，但就好香，味道同口感都好夹。惊你唔够香芋，仲另外俾个香芋蓉你淋落好，作为糖浆嘅substitution真系非常好。