齊柏林熱狗店 (爵祿街)

营业中

休息中

好耐冇食齐柏林，一向对素食者好友善嘅佢原来又推出咗新菜式，今次一于试下佢啦。我哋用电话叫咗两个餐嘅外卖，分别系素汉堡同埋粟米芝士热狗转素肠配大薯条。素肠热狗都系一贯水准，条肠调味好好，食落有口感，加埋浓郁嘅芝士真系好好味。至于素汉堡就有啲失望，块素肉比较淋身，而且调味得唔够，食落有一阵素肉嘅雪味，希望下次试会有改善啦。跟餐嘅薯条都正常啦，因为叫外卖所以都湿湿地，不过都系预期之内。系素食者嘅你，都不仿可以试一试嘅！