Red Mango (已結業)

话说因为之前我爸爸曾经身体唔好，我又咩都唔可以做，只好决定介牛同初一十五食斋。咁啱撞正我同老公嘅结婚纪念日系初一所以老公就好贴心咁谂到同我去食个素食自助餐。 入座前要先收钱，好特别。个素鱼生好得意，点埋个wasabi 食一流！素鳗鱼连埋个汁食系同真嘅都几分似。特别推介个素冬阴公汤，劲香劲好味，虽然望落去个色唔伀人我地平时饮嘅，但呢个好香椰汁味，开头睇仲以为唔辣，点知又真系几辣。入面嘅系素丸，好弹牙。呢度仲有自助沙律吧，估唔到有我中意嘅鹰嘴豆，红菜头。同埋有一个系腌左嘅牛蒡丝，超好味！佢呢度仲有素肉骨茶，药材味唔重但都几清。素麦乐鸡又几正不过干左少少。呢度仲有即叫即整嘅pancake ，入要有香蕉。仲有乳酪雪糕食。呢度饮品有果汁同热茶，其实百几蚊真系好抵，可知系香港食素嘅餐厅话多唔多，所以有一间系咁近对我黎讲真系正！