日常素食 (已結業)

朋友约我陪佢去黄大仙祠问签，问完签到附近黄大仙中心逛下，行完揾野食，由自动电梯上二楼，见呢间日常素食，放题每位$125，仲免加一，好耐冇食过素食，就食呢间啦😄用餐时间有90分钟，分咗几个取餐区，而餐具用完之后就要自己拎到回收处，全自助形式😄食物种类都几多，有冷盘、热盘、炸物、沙律，汤、饭、面、甜品、饮品同雪糕😄素刺身仿真度十足，口感软滑😋炸虾干身唔油腻，蛋散松化，咖哩角同春卷脆卜卜😋莲藕、卤水豆腐、茄子、罗汉斋炆得入味炒萝卜糕食得到有萝卜丝，蜜汁叉烧惹味好食，当然仲有素咕噜肉啦，酸甜有嚼劲😋饭面就有粗炒同炒饭，除咗莲藕汤，仲有碗仔翅😋甜品有腐竹糖水，杨枝甘露，桂花糕清甜，红豆糕滑溜😋乌梅汁微酸，开胃解渴😋