影片
更多
2020-01-01
213 浏览
想食斋，但又唔想食中国菜，于是揾吓有冇素食西餐，结果响石塘咀一田百货嘅商场（香港商业中心）揾到Green Tech Café……圣诞新年期间，呢间餐厅仲推出圣诞素食，食品摆设有心思之外，最重要系真材实料。首先系前菜，放了沙律菜同一棵用面包同素肉砌成嘅圣诞树，好味之余，面包焗得好香又唔会太干身，一言以蔽之：正。不过，我最喜欢系个汤，我叫咗南瓜、朋友另加一份蘑菇汤，真材实料，质感浓稠。最惊喜嘅系主菜--素汉堡，讲真veggie burgers同beef burgers试过唔少，但今次呢块素肉burger既有咬感，煮得又香，畀真正牛肉仲好味，真系唔讲得笑。至于另外叫嘅卡邦尼意粉Carbonara Pasta，厨师抵赞，因为好多餐厅嘅意粉通常系硬身，好似唔熟咁，但呢间嘅意粉香熟又爽，做得好好！而且大大份，绝不欺客。甜品，我哋拣咗芝士蛋糕，饼底原来唔简单，用果仁做出嚟！以$198蚊一个套餐嚟讲，超值！
圣诞新年期间，呢间餐厅仲推出圣诞素食，食品摆设有心思之外，最重要系真材实料。首先系前菜，放了沙律菜同一棵用面包同素肉砌成嘅圣诞树，好味之余，面包焗得好香又唔会太干身，一言以蔽之：正。
不过，我最喜欢系个汤，我叫咗南瓜、朋友另加一份蘑菇汤，真材实料，质感浓稠。最惊喜嘅系主菜--素汉堡，讲真veggie burgers同beef burgers试过唔少，但今次呢块素肉burger既有咬感，煮得又香，畀真正牛肉仲好味，真系唔讲得笑。至于另外叫嘅卡邦尼意粉Carbonara Pasta，厨师抵赞，因为好多餐厅嘅意粉通常系硬身，好似唔熟咁，但呢间嘅意粉香熟又爽，做得好好！而且大大份，绝不欺客。
甜品，我哋拣咗芝士蛋糕，饼底原来唔简单，用果仁做出嚟！以$198蚊一个套餐嚟讲，超值！
题外话/补充资料：
呢间素食西餐对正皇后大道西，响正地下，楼底高，座位宽敞，布置新颖明亮，适合一家大细，值得推荐！
(以上食记乃用户个人意见 , 并不代表OpenRice之观点。)
张贴
