影片
更多
2019-07-08
631 浏览
我同朋友一个素食一个肉食，所以食米线谂住一人一碗唔使烦。点知去到，发觉果然系一个好决定！呢间米线店细细，应该得20-25个位左右，配料选择非常之好，仲有中英文餐单！素食嘅配料都起码有十个，朋友话终于有啖好食😆 我睇一睇个餐单，哇，连牛肝菌都有，菌类有四款，劲呀！我就叫咗全碗𩠌都系猪🐷🐷🐷，有猪腩肉、猪大肠同炸酱。三猪𩠌全部都好食～～不过最神奇嘅事出现咗啦！妈，系真米线呀！同我喺云南食嘅米线质地系一样！好感动😭 好多人唔知，其实香港好多米线店都系用江西米粉😆 一来大条啲二来来货平好多，啲客食得饱又以为好抵食，一举几得。但江西米粉会越食越索汤，然后发胀...口感唔使问都知难食！而真正嘅云南米线系好幼身，好软滑，唔会发胀亦唔会更腍，最紧要系可以挂汤！差好远㗎～朋友𠮶碗系腐皮、黑木耳，清汤。味道系正常水准，始终冇落酱煮过，但两款𩠌嘅质素都有惊喜！腐皮豆味好浓，质地非常滑溜。木耳系厚肉细朵款，非常爽脆，配腍身米线食好夹！👍🏻碗细细，但米线份量都唔小㖞，最尾食唔晒🙉 呢个价钱咁高质素又抵食，绝对会再帮衬！
点知去到，发觉果然系一个好决定！呢间米线店细细，应该得20-25个位左右，配料选择非常之好，仲有中英文餐单！素食嘅配料都起码有十个，朋友话终于有啖好食😆 我睇一睇个餐单，哇，连牛肝菌都有，菌类有四款，劲呀！
我就叫咗全碗𩠌都系猪🐷🐷🐷，有猪腩肉、猪大肠同炸酱。三猪𩠌全部都好食～～不过最神奇嘅事出现咗啦！妈，系真米线呀！同我喺云南食嘅米线质地系一样！好感动😭 好多人唔知，其实香港好多米线店都系用江西米粉😆 一来大条啲二来来货平好多，啲客食得饱又以为好抵食，一举几得。但江西米粉会越食越索汤，然后发胀...口感唔使问都知难食！而真正嘅云南米线系好幼身，好软滑，唔会发胀亦唔会更腍，最紧要系可以挂汤！差好远㗎～
朋友𠮶碗系腐皮、黑木耳，清汤。味道系正常水准，始终冇落酱煮过，但两款𩠌嘅质素都有惊喜！腐皮豆味好浓，质地非常滑溜。木耳系厚肉细朵款，非常爽脆，配腍身米线食好夹！👍🏻
碗细细，但米线份量都唔小㖞，最尾食唔晒🙉 呢个价钱咁高质素又抵食，绝对会再帮衬！
张贴
