Cafe YAWN (已結業)

呢间Café位置有啲难揾，去到先知道成条希云街都有唔少特色Café，见呢度有素食餐单，于是试吓。点咗一个什菌口味嘅滋味薯粒热锅 (可以拣烟肉口味或什菌口味)，铁板上，热辣辣香喷喷，卖相又好，斋睇已经觉得好吸引! 薯粒做底，炒得非常香，加入其他杂菜，例如什菌、青椒、黄椒、洋葱等等，有好口感，亦有唔同层次嘅味道，最正系面头铺咗一层厚厚嘅芝士，随住铁板嘅热力慢慢溶化，的确系愈食愈滋味，个半熟蛋亦非常出色，伴炒得香喷喷嘅杂菜同芝士，又系另一种味道同口感。 成个锅$75，价钱唔算平，不过性价比高，份量亦唔细，见有男客人都系点一个锅当一餐，我谂冬天食嘅话更加正! 总括嚟讲，值得一试!