Green Common (海港城) (已結業)

喺海港城赶住食饭，同朋友决定食green common，食吓素个人心情都好啲～一向钟意green common算系平价素食，出面好多食素价钱都好贵，但green common嘅嘢食质素唔错，又真系扮得几似。焗芝士猪扒意粉芝士唔知用咩整，好漏好漏，啲芝士系用一旧旧嚟形容，唔系唔好食，只系好漏旧猪扒口感好似猪扒，唔细心都唔会食到豆味，唔错！成碟野都几重味，as comfort food嚟讲都食得开心嘅，入面又有啲菜，食完自我感觉良好。意粉口感不错，酸酸甜甜咁，都几大碟，可能因为啲芝士太漏啦，最后都系食唔晒，不过都好过唔够食嘅。炸餐肉条另一comfort food 食就食咗好多次，炸嘢，口感似餐肉，可以再咸啲。份量都唔少。见到夜晚都无乜人去，同埋佢地个门牌好低调，我地开头都揾唔到。希望多啲人会去呢间高质素食店！