影片
更多
2012-06-17
774 浏览
是日和友人血拼完之后搭港铁返屋企，黎到上环突然想试试呢间素食店。未到下午茶时间，午市也冇特餐。发现外卖反而平好多，不过因为实在太累太肚饿，所以随便叫碗素饺米粉（朋友要米粉）。估唔到，个饺子都整得好出色！其实要食好味gei饺子，未必一定要虾饺ga。呢个素饺都可以满足到个胃！虽然铺头的姐姐话唔落味精，不过如果真系唔落，应该做唔到咁鲜吧，可能是落得少一点。之后又试左个茶果，可能因为冇用猪油的缘故吧，唔系好滑好餁。不过就应该健康过传统个d～买单时，见到搬铺的通告。依家已经搬到皇后大道西尾去啦～不过呢间净系做外卖，所以要堂食就剩返西边街旁边个间喽！
题外话/补充资料：
食面的时候，有位阿姨搭台，同我地讲佢光顾o左呢间铺十几年。好可惜依家要搬，因为以后要去到西边街先可以食到呢d好味又健康gei斋。唔知道点解间铺要搬，我估可能同铺租上涨有关系吧。见到一间又一间承载著好多人回忆gei老店或搬家或关门大吉，觉得好可惜。其实我都系中意系d装修并不华丽的地方食d平常野，好过去到间间都一样装修，餐餐都系个d野的连锁快餐店好多～
(以上食记乃用户个人意见 , 并不代表OpenRice之观点。)
张贴
